O meu diario:5º EP

 

Bo día equipo!

Un diario é algo que estaría fenomenal que todos e todas tivésemos para poder expresar unha morea de sentementos e ideas: escribir aventuras que nos pasan no día a día, debuxar deixando voar a imaxinación, escribir poesias, probar diferentes técnicas de pintura... ou simplemente contarnos unha historia a nós mesmos/as.

Aquí vos paso un pequeno fragmento que nos mostra algúns trucos para facer un diario e algunhas cuestións referentes ao texto.
Agardo que disfrutédes da lectura e vos animedes a iniciar a fermosa aventura de ter o voso "rincón" emocional en forma de diario.
Sería moi bonito que o comezárades (se non o fixestedes xá) e a volta ás clases,en setembro , as persoas que lles apeteza que nos mostrasen o que a eles/as queiran...eu mostrareivos algunhas partes dos meus encantado!!

 Escribir un diario

Hoxe en día é difícil distinguir entre blog e diario, xa que moita xente considera que un blog é,en certa maneira, un diario en Internet.

 Pero o termo diario segue referindo á súa acepción tradicional. O diario é ese caderno no que o seu autor, todos os días, escribe con bolígrafo durante cinco minutos o que el considera relevante no que lle ocorreu durante o día. É, en resumo, un libro por e para un mesmo. Para alguén que queira empezar a escribir un diario, aquí van unhas pautas que poden ser de axuda:

1.A propia vida parécelle extraordinaria, é a mellor historia que pode narrar xamais.

2. Un diario é unha historia intimista. Nun diario, a obxectividade e a sinceridade son calidades opostas. Seica o novelista ruso Leon Tolstoi escribía tres diarios: un para que o lese a súa muller; outro, que pensaba mandalo publicar despois da súa morte; e outro que levaba sempre con el, escondido na súa bota dereita, no que poñía os seus pensamentos máis íntimos.

3. O diario debe reflectir a vida do escritor, ou o que lle pareza máis importante dela. Se non tivo un día fóra do normal, pero ten ganas de escribir, quizais o apropiado é reflectir o seu estado deánimo.

4. A xente nova e os futuros escritores servíronse dun diario para apuntar as súas inquietudes literarias. Por exemplo, o famoso escritor Ernest Hemingway escribía algunhas das cousas quelle ocorrían, que podían ser o argumento dunha novela.

Fonte: http://www.papelenblanco.com/2008/01/15­escribir­un­diario

Responde as preguntas:

1.    Que é un diario na súa acepción tradicional?

2.    Para quen se escribe un diario?

3.    Segundo a lectura, é o mesmo un blog que un diario? Razoa a túa resposta.

4.    Por que cres que Leon Tolstoi escribía tres diarios?

5.    Para que utilizaba Ernest Hemingway o seu diario?

6.    Conta, a modo de diario, algo que che ocorrese onte. 

A data de entrega é o venres 5 de xuño.
Calquera dúbida ,preguntáde.
Apertas.